Sa pagsibol ng araw at pagsikat ng umaga, ngiti ang tanging bumalot sa aking mga labi at saya sa aking mukha. Itong bagong kabanata ng aking buhay ay resulta ng matagumpay na kahapon na kahit minsan ay dulot ng kalungkutan ngunit bunga ay kaligayahan. At ngayong pagsapit ng gabi nais kong ibahagi ang munting ala-ala ng kanina na siyang nag-udyok sa aking mga kamay na isulat ang aking matamis na karanasan.
Nasa gawang kahoy na katre ako nakahiga nang imulat ko ang aking mga mata at nagpasalamat sa Diyos sa bagong buhay, ay kinuha ko ang aking telepono upang tingnan kung may bagong mensahe mula sa aking mga kagrupo sa aming gawain ngunit wala akong natanggap ni isang mensahe. Kaya nagpadesisyonan ko na buksan ang isa ko pang account at bumuhos sa newfeed ko ang mga posts na nagpangiti sa akin. Sino pa nga ba? kundi ang isa sa mga hinahangaan ko sa larangan ng pagsusulat gamit ang wikang banyaga na ginagamit upang magkaroon ng tamang komunikasyon ang mundo. Kung nais mong malaman ang pangalan niya, ipagpaumanhin mo ako sapagkat ni katiting na lakas ng loob ay wala ako upang isiwalat ang pangalan niya pero kilala siya sa mga taong mahilig magbahagi ng kanilang mga gawa sa social media na Facebook kaya di na ako magtataka kung alam mo na kung sino ang binabanggit ko. HAHAHA LOL. Balik na tayo sa pamagat. Siya ang inspirasyon, kahit hindi ako kasing galing niya sa gramatiko at paggawa ng pangungusap ay siya naman ang dahilan kung bakit nakakasulat ako ng mga ganitong gawa na hindi ko alam kung may sense pa dahil hindi naman ako magaling sa Wikang Filipino. Siya yung naging inspirasyon muli sa paggawa ko ng mga tula at istorya ngunit ang pagkakaiba nga lang ay hindi na malulungkot ang sinusulat ko, kaya malaki ang pasasalamat ko dahil kahit hindi niya ako makita ay binigyan ang inspirasyon na gumawa ulit ng mga tula. HAHAHAHAH. Goodluck sa akin dahil may nagpapagawa sa aking ng Spoken Poetry yung english talaga, kaya nakakapanghamon sanay ay magawa ko ito. Andyan naman ang inspirasyon ko. Sa mga nagbabasa nito, di pa katapusan kung nawalan kayo ng inspirasyon. Hindi lang naman yung kasintahan yung pwede maging inspirasyon, maraming tao sa mundo ohh lalo na andyan yung pamilya. Billion ang tao sa mundo kaya don’t lose hope.
_Opal Black
Lady in Dark Room 